tg-me.com/alakelaa/16704
Last Update:
قصيدة للسيدة رقية مخاطبة عمتها زينب عليهما السلام
_&_&___
عمة كليلي الشمر شيريد مني
شوفي سوطة شلون مطبوع اعلى متني
_&_&___
عمة لفيني بعباتج من يجيني
خاف يسطرني وتجي السطرة اعل عيني
عمة مايرحم صغر سني ونيني
عمة خل يفكها ايدي
حبل ضل ياكل وريدي
عمة كليلي الشمر شيريد
_&_&___
عمة مو مفروض ادية سوار بيها
ليش جا بحبال خشنة مربطيها
شوفي ذاني بلا تراجي ودم عليها
عمة أذاني ضربهم
عمه متحجر كلبهم
عمة كليلي الشمر شيريد مني
_&_&___
عمة ماتحمل حبل ترفات ادية
روحي شاغت عمة من سياط أمية
خل يجيني والدي وينغر علية
جن احسن بالمنيه
خل يجي يعاين عليه
عمة كليلي الشمر شيريد مني
_&_&___
عمه خل ندعي سوه رب الجلاله
حاشه عمه يعوفنه بين النذاله
عمه النه الجاه من اطهر سلاله
جدنه اله خاتم نبوه
ليش عل رمل انتجوه
عمه كليلي الشمر شيريد مني
_&_&___
عمة راس اعلى الرمح يشبه ولينة
نفس دورة حاجبة وعينة وجبينة
هذا بس لا راس ابوي الذابحينة
عمة دمعاته اعل خده
جن جرح بالكلب عده
عمة كليلي الشمر شيريد مني
_&_&___
✍🏻 ضحى البلوشي
تمت القصيده برابطه قرابين الطف
لا نجيز حذف الاسماء
BY قناة قُربان الله
Warning: Undefined variable $i in /var/www/tg-me/post.php on line 283
Share with your friend now:
tg-me.com/alakelaa/16704